Queda tanto por revelar que non é necesario buscar historias de recuperación da memoria histórica. Aparecen elas, por todos os cantos. Tamén nun territorio fronteirizo como o vertebrado polo Penedo dos tres reinos, por onde pasou "Caminero. O xeneral que intentou evitar unha guerra". O xeneral enviado polo Goberno da República para intentar evitar a rebelión dos cuarteis do Noroeste, non o conseguiu. Máis de 500.000 mortos despois, para os do bando perdedor que non estaban nunha beiravía houbo dúas opcións: exilio ("Antonio Álvarez Blanco") ou presidio e traballos de escravo ("A menina que vía homes encadeados")
